प.पू.मुकुंद महेश्वर करंदीकर उर्फ ‘नाना’ अक्कलकोटच्या स्वामीसमर्थांचे परमशिष्य असून,स्वामी त्यांना ‘बेटा’ अशी हाक मारीत असत.वयाच्या ४१ व वर्षी ‘नानांना’दिव्य साक्षात्कार झाला. स्वामींनी सदेह दर्शन दिले व ‘नोकरी सोडून समाजात भक्ती पेरीत जा’ अशी आज्ञा केली.ऐन उमेदीत एक मुलगा व दोन मुली यांची जबाबदारी असतांना ‘नानांनी’ गुरुआज्ञा प्रमाण मानून नोकरीचा त्याग केला आणि आपल्या जीवननौकेचे सुकाणू स्वामींच्या हाती दिले.
साक्षात स्वामींचा वरदहस्त व सहवास असल्याने ‘नानांच्या’ घरी आनंद व समाधान नांदत होते.नोकरी सोडल्यामुळे पैशांची आवक थांबली.स्वामींच्या प्रेरणेने ,चारीतार्थाकरिता ‘नाना’ पीडितांना औषधे देत असत.असंख्य लोकांच्या समस्या सोडवीत.लोकांना योग्य उपासना सुचवीत.सर्वांना प्रचिती येत असे. अयाचक वृत्तीने जे काही प्राप्त होईल त्यात संसार उत्तम प्रकारे केला. प्रपंचात राहून परमार्थ सफल झाला.
गुरु पौर्णिमा
आषाढ पोर्णिमा म्हणजेच 'गुरुपोर्णिमा'उत्सव ठाण्यातील कार्यालय मयुरेश मध्ये तसेच स्वामिभवन लोणावळा येथे होतो.
स्वामी जयंती
हा उत्सव चैत्र शुद्ध द्वितीया या दिवशी स्वामिभवन लोणावळा येथे साजरा केला जातो.
स्वामी पुण्यतिथी
हा उत्सव चैत्र कृष्ण त्रयोदशी या दिवशी स्वामिभवन लोणावळा येथे होतो,त्या दिवशी श्री स्वामींची पालखी निघते.
गोकुळाष्टमी
कृष्णजन्म व नानांचा जन्मदिवस स्वामिभवन लोणावळा येथे साजरा होतो.
दिवाळी उत्सव
दिवाळी उत्सवात मंदिराच्या परिसरात आकर्षक रांगोळी आणि दिव्यांची आरास केली जाते.
वटपौर्णिमा
स्वामिभवन लोणावळा येथे वटपोर्णिमेच्या दिवशी सुवासिनी मंदिराच्या परिसरातील वडाच्या झाडाची पूजा करतात.